"Интер Майами" ҳужумчиси Лионель Месси МЛС доирасидаги "Филадельфия Юнион"га қарши кечган баҳсда жароҳати туфайли захирага олинди.
38 ёшли футболчи учрашувнинг 73-дақиқасида сонининг орқа қисмини ушлаб, майдонни тарк этди. Таниқли журналист Гастон Эдулнинг хабар беришича, форвард ноқулайликни сезгач, хавфсизлик мақсадида захирага сўралган.
Юлдуз аргентиналикда жиддий мушак жароҳати йўқ, бироқ у Жаҳон чемпионати олдидан соғлиғи билан таваккал қилишни истамади.
"Фламинголар" Луис Суареснинг хет-триги эвазига 6:4 ҳисобида ғалаба қозонишди. Месси эса ўз ҳисобига иккита голли узатма ёздириб қўйди.
17 июнь куни Аргентина терма жамоаси ЖЧ-2026 гуруҳ босқичининг биринчи турида Жазоир билан тўқнаш келади.
