Ўзбекистонлик спорт афсонаси, 51 ёшли Оксана Чусовитина Япониянинг Аичи-Нагоя шаҳрида ўтаётган 2026-йилги Осиё ўйинларида таяниб сакраш дастури бўйича финалга йўлланма олди.

Мусобақанинг саралаш босқичида муваффақиятли қатнашган Чусовитина 13.266 балл тўплаган ҳолда 4-ўринни эгаллади ва финал масаласини ижобий ҳал қилди. Оксана Чусовитина иштирокидаги таяниб сакраш бўйича финал баҳслари 24-25 сентябрь кунлари бўлиб ўтиши режалаштирилган​.

Ўзининг еттинчи Осиё ўйинларида иштирок этаётган Оксана соғлиғи имкон берса, спортдан кетиш ниятида эмаслигини билдирди. 22 сентябрь куни журналистлар билан суҳбатда спортчи 2028-йилда Лос-Анжелесда бўлиб ўтадиган Олимпиада ўйинларида қатнашиш мақсади борлигини маълум қилган.

“Мен 2028-йилги Олимпиадага йўлланма олишга ҳаракат қиламан. Бу — спорт, бу — гимнастика. Агар имкони бўлса, Лос-Анжелесда бўладиган Ёзги олимпиадада ҳам қатнашишга уриниб кўраман. Хуллас, ҳа, йўлланмани қўлга киритишга ҳаракат қиламан”, дейди Чусовитина.

Маълумот учун, агар Оксана Чусовитина ушбу мақсадига эришса, 2028 йил Лос-Анжелес бўладиган мусобақа ўзбекистонлик гимнастикачи учун фаолиятидаги тўққизинчи Олимпиада бўлади.