Испания Қироллик футбол федерацияси (RFEF) ҳузуридаги Ҳакамлар техник қўмитаси (CTA) Ла Лиганинг 7-туридан ўрин олган «Атлетико» – «Реал» учрашувида мадридликлар ҳужумчиси Ли Кан Иннинг Федерико Вальвердега нисбатан ишлатган қоидабузарлиги бўйича хулоса чиқарди.

Учрашувни Мигель Анхель Ортис Арьяс бош ҳакам сифатида бошқарган.

«Ли Кан Ин Феде Вальверденинг югуриш йўлини тўсиш учун ҳаракат қилади. У бутсасининг тишлари билан рақиб оёғига зарба беради. Бу бўғим чиқишига олиб келиши мумкин бўлган, жароҳат хавфи юқори ҳаракат эди. Бундай вазиятда тўғридан-тўғри жарима зарбаси ва қизил карточка белгиланиши керак эди. Бу ҳакамнинг аниқ ва очиқ хатоси бўлган, VAR вазиятга аралашиши шарт эди», — дейилади CTA хулосасида.

Учрашувдан сўнг «Реал» Вальвердега чап тўпиқ боғламларининг учинчи даражали чўзилиши ташхиси қўйилганини маълум қилди.