«Барселона» «Галатасарой»нинг 21 ёшли ҳужумкор ярим ҳимоячиси Алексей Батраковга қизиқиш билдирмоқда.
Diario Sport маълумотига кўра, каталонияликлар скаутлари россиялик футболчини бир неча йилдан буён кузатиб келмоқда. Айниқса, Чемпионлар лигасидаги ўзаро учрашувдан кейин унга бўлган қизиқиш кучайган.
Ҳозирча клублар ўртасида музокаралар йўқ. Батраковга «ПСЖ» ва бошқа Европа грандлари ҳам қизиқмоқда.
Асосий тўсиқ — футболчининг шартномасида белгиланган 55 миллион евролик товон пули. «Барселона» ҳозирча бундай маблағ тўлашга тайёр эмас, бироқ Батраков ўсишда давом этса, вазият ўзгариши мумкин.
Жорий мавсумда Батраков «Галатасарой» сафида 10 та ўйинда 2 та гол ва 2 та ассист қайд этди.
