Мадриднинг «Реал» клуби ҳужумчиси Килиан Мбаппе 2017 йилда «Монако»дан «Ливерпуль»га ўтишга яқин бўлганини айтиб берди.

«Мен «Ливерпуль»га ўтишга яқин эдим. Онам Юрген Клоппнинг катта мухлиси эди ва мен учун унинг энг ёқтирган варианти «Ливерпуль» эди. У ўша ерга ўтишимни хоҳлаганди.

У музокараларнинг биринчи босқичи учун у ерга жўнаб кетди. Шаҳарда, стадионда бўлди, одамлар билан танишди. У: «Бу ажойиб клуб, ҳамма жуда меҳрибон, бу оилавий клуб, катта клуб», дерди.

Эсимда, у Клопп ўз лойиҳаси ҳақида гапириб бераётганда, биз самолётда айланиб учиб юргандик.

Мен айтдим: «Мени ишонтиришингиз шарт эмас. Сиз — Юрген Клоппсиз, бу — «Ливерпуль», буюк клуб. Албатта, модомики шу ерда эканман, демак қизиқишим бор. Лекин менда бошқа нарсалар, бошқа яхши лойиҳалар ҳам бор».

Бу қизиқарли тарих. Лекин якунда мен «ПСЖ»га ўтишга қарор қилдим, чунки Парижда туғилиб ўсган инсон сифатида мен учун ўз жонажон шаҳримда юлдуз бўла олишимни исботлашдан кўра яхшироқ нарса йўқ эди», — дейди Мбаппе.

Якунда 18 ёшли Мбаппе Францияда қолишга ва фаолиятини «ПСЖ»да давом эттиришга қарор қилган. Парижликлар дастлаб ҳужумчини «Монако»дан 2017/18 йилги мавсум учун ижарага олишган, сўнгра унинг трансферини 180 миллион еврога сотиб олишган. Француз «ПСЖ» сафида 2024 йилгача тўп сурди, шундан сўнг Мадриднинг «Реал» клубига кўчиб ўтди.