«Челси» ярим ҳимоячиси Коул Палмер келажакда Жозе Моуриньо қўл остида ишлаш имкониятини истисно қилмади.
Португалиялик мутахассис айни пайтда Мадриднинг «Реал» клубини бошқармоқда. У жамоани тарк этганидан 13 йил ўтиб, июнь ойида яна «қироллик клуби»га қайтди.
«Қачондир Моуриньо жамоасида ўйнашни хоҳлармидинг?» — деган саволга 24 ёшли футболчи:
«Ҳа, балки», — деб жавоб берди. Унинг сўзларини Madrid Zone келтирди.
Коул Палмернинг «Челси» билан шартномаси 2033 йилгача амал қилади. Transfermarkt портали унинг трансфер қийматини 100 миллион еврога баҳоламоқда.
Жозе Моуринью «Челси»ни биринчи марта 2004–2007 йилларда, иккинчи марта эса 2013–2015 йилларда бошқарган. «Ўзига хос» мутахассиснинг «Реал» билан амалдаги шартномаси 2029 йил ёзида якунига етади.
