Мадриднинг «Реал» клуби бош мураббийи лавозимига тайинланиши кутилаётган португалиялик мутахассис Жозе Моуриньо бразилиялик ҳужумчи Эндрикнинг келажаги борасида қарорга келди. Инсайдер Фабрицио Романонинг ижтимоий тармоқларда хабар беришича, «The Special One» ушбу ҳужумчи билан ишлаш истиқболли эканини тушуниб етди.
Португалиялик мураббий Эндрикни келаси мавсум учун жамоада олиб қолишга қарор қилди. Ўтган мавсумда 19 ёшли бразилиялик футболчи Франциянинг «Лион» клубида ижара асосида тўп сурганди. Ҳужумчи ўша мавсум давомида 5 та гол ва 7 та голли узатмага муаллифлик қилган. Эндрикнинг трансфер қиймати 35 миллион еврога баҳоланмоқда.
