Madridning «Real» klubi bosh murabbiyi lavozimiga tayinlanishi kutilayotgan portugaliyalik mutaxassis Joze Mourinyo braziliyalik hujumchi Endrikning kelajagi borasida qarorga keldi. Insayder Fabrisio Romanoning ijtimoiy tarmoqlarda xabar berishicha, «The Special One» ushbu hujumchi bilan ishlash istiqbolli ekanini tushunib yetdi.
Portugaliyalik murabbiy Endrikni kelasi mavsum uchun jamoada olib qolishga qaror qildi. O‘tgan mavsumda 19 yoshli braziliyalik futbolchi Fransiyaning «Lion» klubida ijara asosida to‘p surgandi. Hujumchi o‘sha mavsum davomida 5 ta gol va 7 ta golli uzatmaga mualliflik qilgan. Endrikning transfer qiymati 35 million yevroga baholanmoqda.
