Portugaliya terma jamoasi bosh murabbiyi Jorje Jezush Krishtianu Ronaldu bilan bog‘liq vaziyat jamoa ichidagi muhitga ta’sir qilayotgan-qilmayotgani haqida fikr bildirdi. Murabbiy, shuningdek, Millatlar ligasi 3-turida Daniya ustidan qozonilgan 4:2 hisobidagi g‘alabaga ham to‘xtaldi.

— Qiyin g‘alaba... Sizga eng ko‘p nima yoqdi va nima yoqmadi?
— Eng ko‘p g‘alaba yoqdi, albatta. O‘yindan keyin tahlil o‘tkazamiz va o‘sishni ko‘ramiz. Menga eng ko‘p nima yoqdi... So‘nggi yillarda bu yerga kelib, 4:2 hisobida g‘alaba qozongan nechta jamoa bo‘lganini bilmayman. Bu Daniya 15 yil avvalgi Daniya emas. Keyin menga pressing ham yoqdi, u ham juda ma’qul bo‘ldi. Meni allaqachon tabriklashdi va Portugaliya juda yaxshi o‘ynayotganini aytishdi.

— Futbolchilar sizga ishonch bildirishayotganini his qilyapsizmi?
— Ular men bilan emasligini ko‘rsatadigan hech narsa yo‘q. Muhimi, biz nima qilishimiz kerakligidir. Nega bu savolni berganingizni tushunaman, har xil vaziyatlar bo‘lishi mumkin, ammo bu jamoani bo‘lmaydi va bizni ajratmaydi.

— Barcha shov-shuvlar fonida bu g‘alaba yanada muhim bo‘ldimi?
— Asosiysi — g‘alaba qozonish! Bu murabbiyning hayoti. Murabbiyning ishi shu, bu nima ekanini bilasiz, hammasini unuting... Bu g‘alaba deb ataladi.

Eslatib o‘tamiz, Krishtianu Ronaldu bosh murabbiy Jorje Jezush jamoada hech qanday nizo yo‘qligini aytganiga qaramay, Portugaliya terma jamoasi ixtiyorini tark etgan. Jezush matbuot anjumanida Ronalduning Daniyaga qarshi uchrashuvni o‘tkazib yuborishi mumkinligini ma’lum qilgan edi.

Shuningdek, Portugaliyaning bir qator OAVlari Ronaldu terma jamoadagi faoliyatini yakunlash niyatida ekanini xabar qilgan.