Krishtianu Ronaldu Portugaliya futbol federasiyasidan nafaqat milliy terma jamoa bosh murabbiyi Jorje Jezush bilan yuzaga kelgan kelishmovchilik sababli xafa bo‘lgan.

Eslatib o‘tamiz, futbolchi Jezush uni asosiy tarkib o‘yinchisi sifatida ko‘rmayotgani tufayli terma jamoa qarorgohini tark etgan edi.

Portugaliyalik jurnalist Vitor Pintuning ma’lum qilishicha, 41 yoshli futbolchining bunday munosabatiga yana bir omil — uning 16 yoshli o‘g‘li Portugaliyaning U-16 terma jamoasiga chaqirilmagani bo‘lgan.

«Ronalduni ranjitgan yana bir sabab bor. Menimcha, bu uning terma jamoani tark etishi bilan bevosita bog‘liq emas, ammo bunday paytlarda barcha omillar bir-biriga qo‘shilib ketadi. Krishtianinyu U-16 terma jamoasiga chaqirilmagani Ronalduni xafa qildi», — dedi Pintu Liga D'Ouro teledasturi efirda.

Kelasi hafta federasiya vakillari Ronaldu bilan uchrashib, uni Jezush bilan murosaga keltirish va milliy terma jamoaga qaytishga ko‘ndirishga harakat qilishi kutilmoqda. Ronaldusiz Portugaliya terma jamoasi so‘nggi ikki uchrashuvda ikkita g‘alaba qozondi.