O‘zbekiston delegasiyasi Aichi-Nagoya–2026 Osiyo o‘yinlarida navbatdagi medalni qo‘lga kiritdi.

Tennis bo‘yicha terma jamoamiz a’zosi Humoyun Sultonov yakkalik bahslarida bronza medaliga sazovor bo‘ldi.

Hamyurtimiz yarim finalgacha yetib bordi. Ushbu bosqichda Gonkong vakiliga imkoniyatni boy bergan Sultonov musobaqani uchinchi o‘rinda yakunladi.

Shu tariqa, Humoyun Sultonov O‘zbekiston delegasiyasi hisobiga navbatdagi bronza medalni qo‘shib qo‘ydi.

Ayni paytda O‘zbekiston 16 ta oltin, 21 ta kumush va 20 ta bronza — jami 57 ta medal bilan umumjamoa hisobida 4-o‘rinda bormoqda.