«Барселона» ярим ҳимоячиси Гави «ПСЖ» футболчиси Хвича Кварацхелиянинг ўйинига баҳо берди. Бу ҳақда Mundo Deportivo хабар қилмоқда. Испаниялик футболчига бир қатор ўйинчиларнинг номлари айтилди ва у улар Хвичадан яхшироқми ёки йўқлигини айтиши керак эди.

Гавининг фикрича, Кварацхелия қуйидаги футболчилардан кучлироқ: Майкл Олисе («Бавария»), Адемола Лукман («Атлетико»), Луис Диас («Бавария»), Алехандро Гарначо («Челси»), Жамал Мусиала («Бавария»), Нико Уильямс («Атлетик»), Винисиус («Реал»), Букайо Сака («Арсенал») ва Жоао Педро («Челси»).

Бироқ Гави айни дамда «ПСЖ» шарафини ҳимоя қилаётган Усмон Дембеле Кварацхелиядан яхшироқ эканини таъкидлади.

Эслатиб ўтамиз, 30 май куни парижликлар Чемпионлар лигаси финалида «Арсенал»га қарши майдонга тушади.