Жозе Моуриньо яна «Реал» бош мураббийига айланиши кутилмоқда. Сўнгги ҳафталарда матбуотда португалиялик мутахассиснинг трансфер режалари ҳақида кўплаб маълумотлар пайдо бўлмоқда.
Моуриньонинг ҳимоя марказини кучайтириш учун «Интер» футболчиси Алессандро Бастонини ўз сафига қўшиб олмоқчи экани ҳақида кўп гапирилди. The Touchline нашрининг журналист Мигель Серранога таяниб хабар беришича, 27 ёшли футболчи «Реал»га ўтишга розилик билдирган.
Нуфузли Transfermarkt портали Алессандро Бастонини 70 миллион еврога баҳоламоқда. Бу марказий ҳимоячи учун жуда юқори нарх ҳисобланади. Эслатиб ўтамиз, «Реал» Испания чемпионатини иккинчи ўринда якунлади.
