Joze Mourinyo yana «Real» bosh murabbiyiga aylanishi kutilmoqda. So‘nggi haftalarda matbuotda portugaliyalik mutaxassisning transfer rejalari haqida ko‘plab ma’lumotlar paydo bo‘lmoqda.
Mourinyoning himoya markazini kuchaytirish uchun «Inter» futbolchisi Alessandro Bastonini o‘z safiga qo‘shib olmoqchi ekani haqida ko‘p gapirildi. The Touchline nashrining jurnalist Migel Serranoga tayanib xabar berishicha, 27 yoshli futbolchi «Real»ga o‘tishga rozilik bildirgan.
Nufuzli Transfermarkt portali Alessandro Bastonini 70 million yevroga baholamoqda. Bu markaziy himoyachi uchun juda yuqori narx hisoblanadi. Eslatib o‘tamiz, «Real» Ispaniya chempionatini ikkinchi o‘rinda yakunladi.
