Yozgi transfer oynasida himoyachi Jerom Boateng «Bavariya»ni tark etadi.

Erkin agentga aylanadigan futbolchi «Borussiya»ga o‘tishi mumkin. Dortmund klubi 32 yoshli himoyachi bilan shartnoma imzolash haqida o‘ylamoqda.

Agar ushbu kelishuv amalga oshirilsa, Boateng ish haqining sezilarli pasayishiga rozi bo‘lishi kerak. «Bavariya»da u yiliga 12 million evro oladi.

«Borussiya» jamoada yetakchilik fazilatlariga ega tajribali futbolchilar sonini ko‘paytirmoqchi.

Bundan tashqari, jamoaning Bundesliga turnir jadvalidagi mavqeini hisobga olgan holda, klub qimmatbaho transferlarga umid bog‘lay olmaydi, chunki «Borussiya»ning Chempionlar Ligasiga kirishi ayni paytda so‘roq ostida.

Oldinroq «Barcelona» va «Tottenxem» himoyachiga qiziqish bildirayotgani haqida xabar berilgandi.

«Bavariya»ning sport direktori Xasan Salixamidzichning aytishicha, futbolchining klub bilan shartnomasi ko‘p ehtimol uzaytirilmaydi.

Boateng joriy mavsum Bundesliganing 22 o‘yinida maydonga tushib, 1 gol urdi va 1 golli uzatma muallifiga aylandi.