PSJ hujumchisi Kilian Mbappe Madriddan uy sotib olishga qaror qildi, deb xabar bermoqda Goal.
Manbaga ko‘ra, futbolchi yaqinlariga Ispaniya poytaxtidan ko‘chmas mulk topishni buyurgan. Ammo, bu hujumchi unga faol qiziqish bildirayotgan «Real»ga o‘tadi degani emas.
Avvalroq, Parij klubi rahbari Nasir al-Xelayfi Killianni jamoada qo‘lishiga ishonchi komil ekanligini aytib o‘tgan edi.
Ma’lumot uchun, joriy mavsumda 22 yoshli Mbappe «PSJ» tarkibida barcha turnirlarda 41 uchrashuv o‘tkazib, 35 gol urdi va 10 golga uzatma amalga oshirdi. Uning klub bilan shartnomasi 2022 yilning yozigacha amal qiladi.
