«Shabab Al-Ahli» bosh murabbiyi Mahdi Ali AGMKga qarshi uchrashuvdan (1:2) keyin o‘z fikrlari bilan o‘rtoqlashdi.
«Tarkibdagi 5 nafar yangi futbolchi bilan o‘yinni yaxshi boshladik va birinchi golni urishga erishdik, bir qancha imkoniyatlar yaratishga muvaffaq bo‘ldik. Birinchi taymda bittadan ko‘p gol ustunligida yakunlashimiz mumkin edi.
Ikkinchi bo‘lim avvalida ham yaxshi o‘ynadik. O‘yin oxirlarida xatolarga yo‘l qo‘ydik va ketma-ket ikkita gol o‘tkazib yubordik. Bu mag‘lubiyat orqali vaziyatni o‘zimiz uchun yanada qiyinlashtirdik. Lekin, musobaqadagi imkoniyatlarimizni saqlab qolish uchun ham keyingi o‘yin haqida o‘ylashimiz shart» — dedi Ali.
Eslatib o‘tamiz, amirliklar 3 turdan keyin 1 ochko to‘plagan holda «A» guruhida so‘nggi o‘rinda borishmoqda.
