«Шабаб Ал-Аҳли» бош мураббийи Маҳди Али АГМКга қарши учрашувдан (1:2) кейин ўз фикрлари билан ўртоқлашди.
«Таркибдаги 5 нафар янги футболчи билан ўйинни яхши бошладик ва биринчи голни уришга эришдик, бир қанча имкониятлар яратишга муваффақ бўлдик. Биринчи таймда биттадан кўп гол устунлигида якунлашимиз мумкин эди.
Иккинчи бўлим аввалида ҳам яхши ўйнадик. Ўйин охирларида хатоларга йўл қўйдик ва кетма-кет иккита гол ўтказиб юбордик. Бу мағлубият орқали вазиятни ўзимиз учун янада қийинлаштирдик. Лекин, мусобақадаги имкониятларимизни сақлаб қолиш учун ҳам кейинги ўйин ҳақида ўйлашимиз шарт» — деди Али.
Эслатиб ўтамиз, амирликлар 3 турдан кейин 1 очко тўплаган ҳолда «А» гуруҳида сўнгги ўринда боришмоқда.
