"Liverpul" klubi bosh murabbiyi Yurgen Klopp jamoasi bu mavsum kuchli to‘rtlikka kira oladimi, degan savolga javob berdi.
Mersisaydliklar ayni damda APL musobaqa jadvalida 7-o‘rinda bormoqda. Ularni 4-o‘rindagi “Chelsi” bilan oradagi farqi 7 ochkoni tashkil etadi.
“Bizda hali ham imkoniyat borligiga ishonchim komil emas, lekin biz harakat qilamiz va agar shunday imkoniyat yuzaga kelsa, biz albatta bundan foydalanamiz.
Biz hozirgidan yuqoriroq pog‘onada bo‘lishimiz ham mumkin edi, ammo jarohatlar bilan bo‘lgan kurash bizga katta muammo tug‘dirdi”, - dedi germaniyalik mutaxassis.
Premyer-ligada mavsum yakunlanishiga yana 4 ta tur qoldi.
