«Milan» himoyachisi Teo Ernandes «rossonerilar»ning «Torino»ga qarshi g‘alabasi haqida fikr bildirdi. Eslatib o‘tamiz, milanliklar turinliklar darvozasiga javobsiz yettita gol urishgan edi.
«Men jamoamning g‘alaba qozonishiga yordam berganimdan xursandman. «Milan» ajoyib o‘yin namoyish etdi. Biz juda xursandmiz. Bunday g‘alabalar mavsum so‘ngida oltinga teng.
«Milan» «Yuventus» bilan duelda qo‘lga kiritgan g‘alabalarini mustahkamlab oldi. Bizda endi xato qilishga yo‘l yo‘q. «Milan» Chempionlar Ligasiga qaytishi kerak, biz muxlislarni xursand qilmoqchimiz", - deydi Teo.
