Ketma-ket uch kun davomida Coca-Cola Superliga klublari 9-tur doirasida maydonga chiqadi. "Sport-TV" va "Dunyo bo‘ylab" sizga uchrashuvlarni namoyish etadi.
Xabaringiz bor, sara futbolchilar shu bilan MTJ yig‘iniga kiradi va chempionatda salkam 1 oylik tanaffus yuzaga keladi. Buyog‘iga barcha Yaman, Singapur, Saudiya Arabistoni kabi raqiblar haqida o‘ylashni boshlaydi. Tanaffusga esa hamma yaxshi kayfiyatda chiqib ketishni istaydi.
Bugun "Andijon" muxlislari stadionda yaxshi atmosfera o‘rnatishlariga shubha yo‘q. Bu "Lokomotiv"ga qanday ta’sir qiladi?
Mag‘lub etish qiyinlashib ketgan "So‘g‘diyona" o‘zbek futboli vatanida mehmon bo‘ladi. "Bunyodkor" stadioniga esa sekin-asta o‘ziga kelayotgan "Navbahor" tashrif buyuradi.
Qosimov shogirdlari Qosimov futbolchilik karyerasining so‘nggi yillarida gullatgan Muborakka boradi. "Turon" polshalik mutaxassis bilan ilk uchrashuvni Termizda o‘tkazadi. "Paxtakor" esa Navoiyda mehmon.
Faqatgina "Nasaf" OFK kubogida ishtiroki sabab mazkur turni qo‘yib yuboradi.
