Кетма-кет уч кун давомида Coca-Cola Суперлига клублари 9-тур доирасида майдонга чиқади. "Спорт-ТВ" ва "Дунё бўйлаб" сизга учрашувларни намойиш этади.
Хабарингиз бор, сара футболчилар шу билан МТЖ йиғинига киради ва чемпионатда салкам 1 ойлик танаффус юзага келади. Буёғига барча Яман, Сингапур, Саудия Арабистони каби рақиблар ҳақида ўйлашни бошлайди. Танаффусга эса ҳамма яхши кайфиятда чиқиб кетишни истайди.
Бугун "Андижон" мухлислари стадионда яхши атмосфера ўрнатишларига шубҳа йўқ. Бу "Локомотив"га қандай таъсир қилади?
Мағлуб этиш қийинлашиб кетган "Сўғдиёна" ўзбек футболи ватанида меҳмон бўлади. "Бунёдкор" стадионига эса секин-аста ўзига келаётган "Навбаҳор" ташриф буюради.
Қосимов шогирдлари Қосимов футболчилик карьерасининг сўнгги йилларида гуллатган Муборакка боради. "Турон" польшалик мутахассис билан илк учрашувни Термизда ўтказади. "Пахтакор" эса Навоийда меҳмон.
Фақатгина "Насаф" ОФК кубогида иштироки сабаб мазкур турни қўйиб юборади.
