"Атлетико" бош мураббийи Диего Симеоне ЖЧ-2026 мусобақаси пайтида, Майамида Аргентина терма жамоаси қароргоҳида жамоа форварди Хулиан Альварес билан учрашганини айтиб берди.
Футболчи бундан олдинроқ Мадрид клубини тарк этиш истагини билдирган эди. Хулианга "Барселона" клуби жиддий қизиқиш кўрсатмоқда.
"Ҳозирги вақтда Хулианнинг бутун эътибори Аргентинанинг Кабо-Вердега қарши бўлажак ўйинига қаратилган.
У чалғиб қолмаслиги учун бор диққатини шу учрашувга қаратиши ва бошқа нарсалар ҳақида ўйламаслиги керак. Бу жуда қийин, чунки жуда кўп маълумотлар тарқалмоқда, аммо у бу нарсаларга ёпишиб олмаслиги лозим. Ҳаммаси ижобий ҳал бўлади.
Хулиан — ажойиб футболчи. "Атлетико"даги энг яхши ўйинчи. Унинг статистикаси ҳамма нарсани айтиб турибди — бу шунчаки ақл бовар қилмас даражада. У жуда барқарор ўйин кўрсатади. Биз ундан ва унинг ўйинидан жуда мамнунмиз", — деди Диего Симеоне ESPN телеканалига берган интервьюсида.
