Миср терма жамоаси ҳужумчиси Муҳаммад Салоҳ 2026 йилги жаҳон чемпионатида Австралияга қарши ўйиндан кейинги пенальтилар сериясида нега «паненка» услубида зарба берганига изоҳ берди.

Учрашувнинг асосий ва қўшимча вақтлари 1:1 ҳисобида якунланди. Пенальтилар сериясида эса мисрликлар 4:2 ҳисобида устун келиб, кейинги босқичга йўл олди.

«Биз тарих ёздик. Учрашувдан олдин йигитларга босим ҳақида ўйламасдан, хотиржам бўлиш ва ўйиндан завқ олишларини айтдим. Ғалаба қозонганимиздан жуда хурсандман. Рақиб пенальтидан фойдалана олмади, омад улардан юз ўгирди. Аммо энг муҳими — биз тарих яратдик.

Ҳа, энг масъулиятли паллада «паненка» услубида зарба бердим. Агар бундай зарбани кимдир ижро эта олса, бу мен бўлишим керак эди, чунки менда тажриба кўпроқ. Шу орқали жамоага ишонч бағишлашни истадим. Мен бу ишни қилишим керак эди. Бу мен учун сўнгги жаҳон чемпионати бўладими ёки йўқми — бунинг аҳамияти йўқ», — деди Салоҳ ФИФА расмий сайтига берган интервьюсида.

Эслатиб ўтамиз, Миср терма жамоаси ЖЧ-2026 1/8 финалида Аргентинага қарши майдонга тушади.