Аргентина терма жамоаси ҳужумчиси Лионель Месси 2026 йилги жаҳон чемпионати 1/16 финалида Кабо-Вердега қарши учрашувнинг биринчи бўлимида гол уриб, мундиаллар тарихидаги иккита ноёб рекорд муаллифига айланди.
Шу тариқа, Месси футбол тарихида икки хил жаҳон чемпионатида 7 тадан гол урган илк футболчи бўлди. Шунингдек, у мундиалнинг барча босқичларида гол урган тарихдаги биринчи ўйинчи сифатида ҳам номини ёздирди. Лионель гуруҳ босқичининг ҳар учала турида ҳам, шунингдек, 1/16 финалдан тортиб финалгача бўлган барча плей-офф босқичларида ҳам ўз ҳисобига гол ёздирган.
39 ёшли Месси Аргентина терма жамоаси сафидаги фаолияти давомида ҳозирга қадар 124 та гол уриб, 64 та голли узатмани амалга оширган.
