Аргентина футболи афсонаси Лионель Месси Жаҳон чемпионатлари тарихидаги голли узатмалар сони бўйича ўзининг ҳамюрти Диего Марадонадан ўзиб кетгандек туюлган эди. Кабо-Верде терма жамоасига қарши кечган ва аргентиналикларнинг 3:2 ҳисобидаги ғалабаси билан якунланган баҳснинг ҳқўшимча бўлимларида Месси ассистни ўз ҳисобига ёздириб қўйганди. Бироқ кейинчалик ФИФА Кристиан Ромеро томонидан киритилган голни Кабо-Верде ҳимоячиси Динейнинг автоголи сифатида расмийлаштирди.
Шу тариқа, Мессининг мундиаллардаги голли узатмалари сони 8 талигича қолди — Диего Марадонада ҳам айнан шунча ассист мавжуд.
Эслатиб ўтамиз, Жаҳон чемпионатининг 1/8 финалида Аргентина Миср терма жамоасига қарши майдонга тушади. Агар Лео ушбу учрашувда битта голли узатма амалга ошира олса, ЖЧ тарихида бу кўрсаткич бўйича якка пешқадамга айланиб олади.
