«Ан-Наср» ва Португалия терма жамоаси ҳужумчиси Криштиану Роналду «Барча даврларнинг энг яхши Олтин тўпи» учун ўтказилган мухлислар овоз бериши натижаларига муносабат билдирди.
Мазкур сўровномада португалиялик футболчининг 2008 йилда қўлга киритган «Олтин тўп»и биринчи ўринни эгаллади.
«Футбол мухлисларники! Бутун дунёдаги барча мухлисларга раҳмат! Барча даврларнинг энг яхши «Олтин тўп»и сизларга ҳам тегишли», — деб ёзди Роналду ижтимоий тармоқда.
Овоз беришда «Олтин тўп»ни камида икки марта қўлга киритган футболчиларнинг совринлари иштирок этди. Мухлислар овоз бериш учун 1 евро тўлов қилишлари талаб этилган.
Эслатиб ўтамиз, 41 ёшли Роналду фаолияти давомида беш марта «Олтин тўп» соҳиби бўлган. Бу борада рекорд Лионель Мессига тегишли — аргентиналик футболчи совринни саккиз марта қўлга киритган.
