"Манчестер Сити"нинг марказий ҳимоячиси Натан Аке Миланнинг "Интер" клубига кўчиб ўтиши мумкин. Бу ҳақда La Gazzetta dello Sport нашри хабар бермоқда.
Манбанинг берган маълумотларига кўра, Италия грандига 31 ёшли Акенинг хизматлари таклиф қилинган. Нидерландиялик футболчининг "шаҳарликлар" билан амалдаги меҳнат шартномаси бир йилдан сўнг якунига етиши сабабли, бу трансфер амалга ошиши жуда осон ва қулай ҳисобланади.
Эслатиб ўтамиз, бундан олдинроқ "Манчестер Сити"дан "Интер"га бошқа бир марказий ҳимоячи — Мануэль Аканджи ўтган эди.
Аке 2020 йилдан буён "Манчестер Сити" шарафини ҳимоя қилиб келади. Ортда қолган мавсумда у 32 та ўйинда майдонга тушди ва голли ҳаракатлар билан ажралиб турмади.
Transfermarkt портали маълумотларига кўра, футболчининг бозор қиймати 12 миллион еврони ташкил қилади.
