"Манчестер Юнайтед" клубининг собиқ ўйинчиси Луи Саа нима сабабдан Португалия терма жамоаси форварди Криштиану Роналду Аргентина ҳужумчиси Лионель Мессига қараганда кўпроқ танқидларга учрашини изоҳлади.
"Менинг фикримча, бунга сабаб у Мессига қараганда кўпроқ гапиради. У Мессидан кўра кўпроқ баёнотлар беради. У ўзи ҳақида очиқчасига гапиради, ўзини кўрсатади ва "Мен энг зўриман", дейди. Эҳтимол, одамларга бу нарса ёқмас. Мессида эса бундай эмас. Бу жуда оддий факт. Айнан шунинг учун ҳам мен ҳамиша Криштиануга қойил қоламан, чунки у гапиради ва аксар ҳолларда одамларни жим бўлишга мажбур қилади. Айниқса, Ўзбекистон билан бўлган иккинчи ўйинда. Ҳамма уни танқид қилаётган эди, у эса бунга энг яхши тарзда жавоб қайтарди. Айниқса 41 ёшда бундай қилиш ҳақиқатдан ҳам осон эмас", — дея Саанинг сўзларини келтиради Goal портали.
Роналду ва Месси ўз миллий терма жамоалари сафида 2026 йилги Жаҳон чемпионатида иштирок этишмоқда. Аргентиналик ҳужумчи 6 та гол урган бўлса, Роналду ўз ҳисобига 3 та гол ёздириб қўйган.
