"Manchester Yunayted" klubining sobiq o‘yinchisi Lui Saa nima sababdan Portugaliya terma jamoasi forvardi Krishtianu Ronaldu Argentina hujumchisi Lionel Messiga qaraganda ko‘proq tanqidlarga uchrashini izohladi.

"Mening fikrimcha, bunga sabab u Messiga qaraganda ko‘proq gapiradi. U Messidan ko‘ra ko‘proq bayonotlar beradi. U o‘zi haqida ochiqchasiga gapiradi, o‘zini ko‘rsatadi va "Men eng zo‘riman", deydi. Ehtimol, odamlarga bu narsa yoqmas. Messida esa bunday emas. Bu juda oddiy fakt. Aynan shuning uchun ham men hamisha Krishtianuga qoyil qolaman, chunki u gapiradi va aksar hollarda odamlarni jim bo‘lishga majbur qiladi. Ayniqsa, O‘zbekiston bilan bo‘lgan ikkinchi o‘yinda. Hamma uni tanqid qilayotgan edi, u esa bunga eng yaxshi tarzda javob qaytardi. Ayniqsa 41 yoshda bunday qilish haqiqatdan ham oson emas", — deya Saaning so‘zlarini keltiradi Goal portali.

Ronaldu va Messi o‘z milliy terma jamoalari safida 2026 yilgi Jahon chempionatida ishtirok etishmoqda. Argentinalik hujumchi 6 ta gol urgan bo‘lsa, Ronaldu o‘z hisobiga 3 ta gol yozdirib qo‘ygan.