«Manchester Yunayted» bosh murabbiyi Ole-Gunnar Sulsher jamoa tarkibini kengaytirishni istamoqda. 48 yoshli mutaxassis markaziy himoya, yarimhimoya, hujum pozissiyasi va to‘qqizlik chizig‘ini kuchaytirish niyatida.

Uning uchun ustuvor maqsad sifatida Pau Torres («Vilyarreal»), Deklan Rays («Vest Xem»), Jeydon Sancho («Borussiya» Dortmund) va Xarri Keyn («Totenxem») kabi futbolchilar turadi.

Ammo Sulsher tushunib turibdiku, bunday top futbolchilarning 4 nafari bilan shartnoma imzolash 300 million funt atrofida bo‘ladi va bu reallikan uzoqda. O‘z ro‘yxati ichidagi eng muhim futbolchi sifatida esa Sanchoni belgilamoqda, Keynning transferi esa juda mushkul masala.

O‘tgan yozda, «MYU» Sanchoning shartnomasi qiymatini ish haqi va agentlik to‘lovlari bilan birgalikda 250 mln yevro atrofida baholagandi. «Vest Xem» Rays uchun 100 mln yevro so‘ramoqda. Torresning transferi esa taxminan 30 mln yevroga baholangan.

«Manchester Yunayted» rahbariyatida shuningdek, «Real» markaziy himoyachisi Rafael Varan bilan qiziqmoqda. Fransiyalik himoyachining narxi 60 mln funt atrofida.