«Манчестер Юнайтед» бош мураббийи Оле-Гуннар Сульшер жамоа таркибини кенгайтиришни истамоқда. 48 ёшли мутахассис марказий ҳимоя, яримҳимоя, ҳужум позицсияси ва тўққизлик чизиғини кучайтириш ниятида.

Унинг учун устувор мақсад сифатида Пау Торрес («Вильярреал»), Деклан Райс («Вест Хэм»), Жейдон Санчо («Боруссия» Дортмунд) ва Харри Кейн («Тотенхэм») каби футболчилар туради.

Аммо Сульшер тушуниб турибдику, бундай топ футболчиларнинг 4 нафари билан шартнома имзолаш 300 миллион фунт атрофида бўлади ва бу реалликан узоқда. Ўз рўйхати ичидаги энг муҳим футболчи сифатида эса Санчони белгиламоқда, Кейннинг трансфери эса жуда мушкул масала.

Ўтган ёзда, «МЮ» Санчонинг шартномаси қийматини иш ҳақи ва агентлик тўловлари билан биргаликда 250 млн евро атрофида баҳолаганди. «Вест Хэм» Райс учун 100 млн евро сўрамоқда. Торреснинг трансфери эса тахминан 30 млн еврога баҳоланган.

«Манчестер Юнайтед» раҳбариятида шунингдек, «Реал» марказий ҳимоячиси Рафаэль Варан билан қизиқмоқда. Франциялик ҳимоячининг нархи 60 млн фунт атрофида.