“Inter” klubi prezidenti Stiven Chjan jamoani chempion qilgan bosh murabbiy Antonio Konte nega mavsum yakunlangach jamoadan ketganiga izoh berdi.

“Pandemiya juda katta moliyaviy qiyinchiliklarni keltirib chiqardi. Ushbu yo‘qotishlar bizni rejalarimizni qayta ko‘rib chiqishga va boshqa manbalarni qidirishga majbur qildi. Bizning maqsadimiz - xarajatlarni kamaytirish orqali moliyaviy muvozanatni tiklash, aks holda biz hech qachon yangi investorlarni topa olmaymiz.

Shubhasiz, xarajatlarni kamaytirish bizning transfer strategiyamizga ta’sir qiladi. Antonio Konte bilan bu boradagi turli xil qarashlarimiz bizni xayrlashishga olib keldi. U uchun muhim bo‘lmagan narsa klub uchun muhim bo‘lib chiqdi. Hammasi teskari. Konte eng yaxshi murabbiy, ammo men prezident sifatida klub haqida o‘ylashim kerak”, - dedi Chjan.

Bundan avvalroq Antonio Konte “Tottenxem” bilan ham kelishuvga erisha olmagani haqida xabarlar tarqalgan edi.