Superliganing 12-turida “Nasaf” jamoasi Jizzaxning "So‘g‘diyona" klubini qabul qiladi. Bellashuv 4 iyul kuni Qarshidagi "Marakziy" stadionida bo‘lib o‘tadi. Futbol uchrashuvi soat 20:00 da boshlanadi.
Qarshiliklar jamoasi jizzaxliklar raqiblari bilan joriy mavsumda O‘zbekiston Kubogi guruh bosqichida kuch sinashgandi. Bellashuv jangovar durang bilan yakunlangandi (2:2).
O‘zaro uchrashuvlar tarixidan
Ushbu jamoalar O‘zbekiston chempionatida hozirga qadar 42 bor kuch sinashishgan. Yaqqol ustunlik "Nasaf" tomonida. Bo‘lib o‘tgan uchrashuvlarning 32 martasida "ajdarlar", 8 o‘yinda esa jizzaxliklar futbolchilar g‘alaba qozonishgan. 2 uchrashuvda esa durang natija qayd etilgan.
To‘plar nisbati 90:36 ga teng. Ustunlik "Nasaf" tarafida.
O‘zaro uchrashuvlarda qayd etilgan eng yuqori hisoblar quyidagicha: "Nasaf" – "So‘g‘diyona" 4:0,"So‘g‘diyona" – "Nasaf" 3:1.
Jamoalar so‘ngi bor Superliga doirasida 2020 yili 20 noyabr kuni Jizzaxda bo‘lgan bahsda uchrashishgan. Bu uchrashuvda mezbonlar 3:1 hisobidagi ishonchli g‘alabani qo‘lga kiritishgan.
E’tiboringizga, jamoalar ishtirokidagi so‘nggi besh uchrashuvning natijalarini havola qilamiz:
20.11.2020 So‘g‘diyona — Nasaf 3:1
17.08.2020 Nasaf — So‘g‘diyona 3:0
27.11.2019 So‘g‘diyona — Nasaf 1:1
31.03.2019 Nasaf— So‘g‘diyona 3:1
29.11.2018 So‘g‘diyona — Nasaf 0:1
