Суперлиганинг 12-турида “Насаф” жамоаси Жиззахнинг "Сўғдиёна" клубини қабул қилади. Беллашув 4 июль куни Қаршидаги "Маракзий" стадионида бўлиб ўтади. Футбол учрашуви соат 20:00 да бошланади.
Қаршиликлар жамоаси жиззахликлар рақиблари билан жорий мавсумда Ўзбекистон Кубоги гуруҳ босқичида куч синашганди. Беллашув жанговар дуранг билан якунланганди (2:2).
Ўзаро учрашувлар тарихидан
Ушбу жамоалар Ўзбекистон чемпионатида ҳозирга қадар 42 бор куч синашишган. Яққол устунлик "Насаф" томонида. Бўлиб ўтган учрашувларнинг 32 мартасида "аждарлар", 8 ўйинда эса жиззахликлар футболчилар ғалаба қозонишган. 2 учрашувда эса дуранг натижа қайд этилган.
Тўплар нисбати 90:36 га тенг. Устунлик "Насаф" тарафида.
Ўзаро учрашувларда қайд этилган энг юқори ҳисоблар қуйидагича: "Насаф" – "Сўғдиёна" 4:0,"Сўғдиёна" – "Насаф" 3:1.
Жамоалар сўнги бор Суперлига доирасида 2020 йили 20 ноябрь куни Жиззахда бўлган баҳсда учрашишган. Бу учрашувда мезбонлар 3:1 ҳисобидаги ишончли ғалабани қўлга киритишган.
Эътиборингизга, жамоалар иштирокидаги сўнгги беш учрашувнинг натижаларини ҳавола қиламиз:
20.11.2020 Сўғдиёна — Насаф 3:1
17.08.2020 Насаф — Сўғдиёна 3:0
27.11.2019 Сўғдиёна — Насаф 1:1
31.03.2019 Насаф— Сўғдиёна 3:1
29.11.2018 Сўғдиёна — Насаф 0:1
