«PSJ» futbolchisi Serxio Ramos UFC jangchisi Konor Makgregorning navbatdagi jangi uchun taklif qilgan chiptalarini rad etdi. 

Ramos ertaga tongda o'tishi kerak bo‘lgan irlandiyalik UFC ustasi Konor Makgregor amerikalik Dastin Porye o‘rtasidagi uchinchi jangiga bo‘lgan taklifini rad etdi. Makgregorning so‘zlariga ko‘ra, jangchi Ramos uchun bepul chiptalarni bermoqchi, ammo ispaniyalik futbolchi yangi klub bilan shartnoma imzolanganligi sababli ushbu taklifni rad etgan.

«Biz Ramos uchun chiptalarni olgandik. Bugun u menga yangi klub bilan shartnoma imzolayotganini, shu sababli u bandligini va jangga kela olmasligini yozdi», — deydi Konor.

Eslatib o‘tamiz, Konor Makgregor va Dastin Pore o‘rtasidagi uchinchi jang Toshkent vaqti bilan 10 iyuldan 11 iyulga o‘tar kechasi bo‘lib o‘tadi. 2014 yil sentyabr oyida bo‘lib o‘tgan dastlabki jangda irlandiyalik sportchi ilk raunddayoq amerikalik jangchini nokautga uchratgandi. 2021 yil yanvar oyida bo‘lib o‘tgan ikkinchi jangda esa Dastin ikkinchi raundda Konorni nokaut qilgandi.