«ПСЖ» футболчиси Серхио Рамос UFC жангчиси Конор Макгрегорнинг навбатдаги жанги учун таклиф қилган чипталарини рад этди.
Рамос эртага тонгда ўтиши керак бўлган ирландиялик UFC устаси Конор Макгрегор америкалик Дастин Порье ўртасидаги учинчи жангига бўлган таклифини рад этди. Макгрегорнинг сўзларига кўра, жангчи Рамос учун бепул чипталарни бермоқчи, аммо испаниялик футболчи янги клуб билан шартнома имзоланганлиги сабабли ушбу таклифни рад этган.
«Биз Рамос учун чипталарни олгандик. Бугун у менга янги клуб билан шартнома имзолаётганини, шу сабабли у бандлигини ва жангга кела олмаслигини ёзди», — дейди Конор.
Эслатиб ўтамиз, Конор Макгрегор ва Дастин Порье ўртасидаги учинчи жанг Тошкент вақти билан 10 июлдан 11 июлга ўтар кечаси бўлиб ўтади. 2014 йил сентябрь ойида бўлиб ўтган дастлабки жангда ирландиялик спортчи илк раунддаёқ америкалик жангчини нокаутга учратганди. 2021 йил январь ойида бўлиб ўтган иккинчи жангда эса Дастин иккинчи раундда Конорни нокаут қилганди.
