«Бавария» вингери Майкл Олисе катта эҳтимол билан ушбу ёзда «Реал»га ўтмайди.
Журналист Марио Кортегананинг маълумотларига кўра, Мадрид клубига яқин манбалар «қаймоқранглилар» бу ёзда францияликни сотиб олишнинг имкони йўқлигини тушунтиришганини хабар қилмоқда.
Майкл Олисе 2024 йилда «Кристал Пэлас»дан «Бавария»га 53 миллион евро эвазига ўтган эди. Унинг шартномаси 2029 йилнинг 30 июнигача мўлжалланган.
2025/26 йилги мавсумда француз мюнхенликлар таркибида барча турнирларда 52 та ўйин ўтказиб, 22 та гол урди ва 31 та голли узатмага муаллифлик қилди. Transfermarkt портали Олисенинг қийматини 150 миллион еврога баҳоламоқда.
