«Атлетик» ҳимоячиси Эмерик Лапорт фаолиятини «Барселона»да давом эттириши мумкин.
Diario SPORT хабарига кўра, Каталония клуби аллақачон футболчининг атрофидаги инсонлар билан боғланган. Ушбу ҳафтада музокараларнинг янги босқичи бўлиб ўтди. Ҳимоячи «кўк-анорранглилар» сафига ўтиш вариантига ижобий қарамоқда. Шу билан бирга, Лапортнинг шартномасидаги товон пули суммаси 15 миллион евродан камни ташкил этади.
Эмерик Лапорт 2025 йилда «Ан-Наср»дан «Атлетик»га 10 миллион евро эвазига ўтган эди. Унинг шартномаси 2028 йилнинг 30 июнигача мўлжалланган. 2025/26 йилги мавсумда ҳимоячи Бильбао жамоаси сафида барча турнирларда 30 та ўйин ўтказиб, 2 та голли узатмага муаллифлик қилди.
