«Ал-Ҳилол» бош мураббийи Симоне Инзаги португалиялик ҳимоячи Жоау Канселунинг жамоадаги келажаги клуб раҳбарияти томонидан ҳал этилишини маълум қилди. Португалиялик футболчи Саудия Арабистони чемпионати ўйини учун қайдномага киритилмаган бўлса-да, жамоа билан стандарт режимда машғулотларни давом эттирмоқда.

«У жамоа билан одатдагидек шуғулланмоқда. Унинг келажаги ва клубда қолиш-қолмаслиги масаласига келсак, бу раҳбариятга бериладиган савол», — деди Инзаги.

32 ёшли Канселу хизматларига «Барселона» жиддий қизиқиш билдирмоқда ва футболчининг ўзи ҳам Каталонияга қайтиш иштиёқида. Аввалроқ клублар трансферни 10 миллион евро эвазига ҳал қилишга яқин келган эди, бироқ «Аль-Ҳилол» томони нархни 15 миллион еврогача оширди.