"Ванкувер Уайткэпс" сафида тўп сураётган машҳур германиялик футболчи Томас Мюллер 2026 йилги "Олтин тўп" учун икки асосий даъвогарни айтди.
Германия терма жамоасининг собиқ футболчиси фикрича, нуфузли индивидуал соврин "Бавария" вингери Майкл Олисе ёки "Реал" ҳужумчиси Килиан Мбаппега насиб этиши керак.
"Улар томошабоп ўйинни дарвоза учун катта хавф билан уйғунлаштира олади. Ўз маҳорати ва куч-қуввати ҳисобига жуда самарали ҳаракат қилади, бироқ буларнинг барчаси гўё жуда осондек кўринади. Менимча, дунёнинг энг яхши футболчиси деган тушунча айнан шундай сифатлардан шаклланади", — деди Мюллер.
"Олтин тўп" 26 октябрь куни Лондонда бўлиб ўтадиган маросимда топширилади. Совриннинг амалдаги соҳиби — Франция терма жамоаси ва "ПСЖ" вингери Усмон Дембеле.
