Португалия терма жамоаси ҳужумчиси Криштиану Роналду миллий жамоадаги фаолиятини якунлашдан олдин мухлислар билан майдонда хайрлашмоқчи эканини тасдиқлади.
«Терма жамоадаги фаолиятимни муносиб якунлашим ва хайрлашув ўйини ўтказишим кераклиги ҳақида кўп бор гапларни эшитганман. Федерация ҳам менга бундай имконият беришга тайёр. Мухлисларга, биринчи навбатда, португалияликларга ваъда бераман: бундай ўйинлардан бири ёки бир нечтаси албатта бўлиб ўтади. Аммо бунинг вақти ҳали келади. Ҳозирча эса терма жамоа мен учун, аввало, кураш ва рақобат билан боғлиқ», — деди Роналду.
Роналду 30 сентябрь куни Данияга қарши Миллатлар лигаси учрашувидан бир кун олдин Португалия терма жамоаси ихтиёрини тарк этган. Жорже Жезуш уни Норвегияга қарши ўйинда майдонга туширишга ваъда бергани маълум эди, аммо бу амалга ошмади.
