Ўзбекистон Миллий терма жамоаси сентябрь-октябрь ойларига мўлжалланган йиғин доирасидаги сўнгги ўйинини Корея Республикасига қарши сафарда ўтказди ва 0:2 ҳисобида мағлуб бўлди.
Баҳснинг 7-дақиқасида Сон Ҳён Мин жарима зарбасидан гол урди. 60-дақиқада О Се-Ҳун жарима майдончаси ичида иккинчи қаватдаги курашда ғолиб чиқиб, иккинчи голни киритди.
Вакилларимиз учрашув якунига қадар ҳисобни қисқартиришга ҳаракат қилди, аммо буни уддалай олмади.
Каннаваро шогирдлари аввалроқ Эронни 3:1 ҳисобида, Сурияни 4:1 ҳисобида мағлуб этган эди.
