Франция терма жамоаси вингери Майкл Олисе Бельгияга қарши Миллатлар лигаси учрашуви олдидан жамоадоши Райан Шерки ижросидаги финтни такрорлашга уриниб кўрди, аммо бунинг уддасидан чиқа олмади.
«Манчестер Сити» футболчиси ўйин олдидан қизиш машқлари вақтида «Бавария» юлдузи кўз ўнгида мураккаб трюкни бажарди.
The Touchline маълумотига кўра, Олисе одатдагидек хотиржам ҳолда шу финтни бир неча бор такрорлашга ҳаракат қилди, аммо муваффақият қозона олмади. Шерки эса унинг ёнида туриб, табассум билан кузатди.
Бироқ ўйиннинг ўзида Олисе маҳоратига ҳеч қандай шубҳа қолдирмади. У Франция 0:1 ҳисобида ортда бораётган пайтда, 60-дақиқада захирадан майдонга тушди.
Аввалига Олисе айнан Шеркига голли узатма берди, кейин эса ўзи икки бор рақиб дарвозасини ишғол қилди. Якунда Франция 4:1 ҳисобида ғалаба қозонди.
