Норвегиялик ҳужумчи Эрлинг Холанд «Манчестер Сити»ни тарк этишига тўғри келса, фаолиятини Испания чемпионатида давом эттириши мумкин.
Football Insider маълумотига кўра, инглиз клуби қуйи дивизионга тушиб кетган тақдирда, норвегиялик футболчи «Арсенал»дан кўра «Барселона»ни афзал кўради. Каталонияликлар ҳужумчини анчадан бери ўз сафига қўшиб олишга қизиқмоқда ва уни исталган трансферлардан бири сифатида кўрмоқда. «Барселона» футболчининг жамоасини ўзгартириш истаги ҳақида маълумот олиши билан Холанд учун курашга қўшилишга тайёр. Вазиятни «Реал» ҳам кузатиб бормоқда.
Холанд 2022 йил ёзида Англия клубига ўтган. Унинг клуб билан амалдаги шартномаси 2034 йилгача мўлжалланган, футболчининг трансфер қиймати эса 220 миллион еврога баҳоланмоқда.
