«Bavariya»ning yangi bosh murabbiyi Yulian Nagelsmann Myunxen klubining «Kyoln»ga qarshi o‘rtoqlik uchrashuvidagi mag‘lubiyati haqida (2:3) gapirdi.

«Boshida hammasi yaxshi edi. Bundesligada hali o‘ynamagan va o‘yin ritmini his qilmagan ko‘plab futbolchilarga imkon berildi.

O‘z imkoniyatlarimizni yaxshigina yarata oldik, gollar urdik. Biroq deyarli teng ravishda 3 ta gol ham o‘tkazib yubordik, bu raqib uchun juda oson kechgani ko‘pchilikni hayratga soldi.

Ammo «Bavariya»ning kechagi tarkibidan kelib chiqsak, o‘yinni juda yomon o‘tdi deb aytmagan bo‘lardim. Bu normal holat. Uch-to‘rtta yosh futbolchilar yaxshi harakat qilishdi.

Ular Bundesligada o‘ynash ko‘nikmasini hali yetarlicha shakllantirib olishadi, bunga ishonaman», - deya mutaxassisning so‘zlarini keltiradi Goal.