«Arsenal» klubi Chempionship vakili «Sheffild Yunayted» darvozaboni Aron Remsdeyl bilan 30 million funt evaziga shartnoma imzolashga yaqin turibdi. «Kanonirlar» ingliz darvozabonini yoz uchun muhim maqsadi sifatida belgilagan.

Klub «Ayaks» posboni Adre Onana bilan ham muzokaralarga kirishgani haqida ma’lumotlar bor. Ammo Arteta hamon Angliya terma jamoasi a’zosi uchun katta intilish bilan harakat qiladi.

Xabarda darvozabon uchun 24 million funt naqd to‘lanishi, 6 million funt esa bonus hamda boshqa to‘lovlar uchun berilishi aytilgan.