«Sevilya» klubi sobiq futbolchisi Dani Alveshni yana sotib olmoqchi. Braziliya nashri «UOL» xabariga asosan Ispaniya giganti Alveshni qaytarish bo‘yicha harakat boshlagan.
Himoyachi hozirda o‘z vatanining «San-Paulu» klubi sharafini himoya qilmoqda. 38 yoshli futbolchi 2002 yilda ilk bor Yevropada to‘p sura boshlagan va aynan «Sevilya»da porlagan edi.
U 2008 yilda «Barselona»ga qo‘shilguniga qadar Andaluziya jamoasi tarkibida Ispaniya superkubogini, mamlakat kubogini, ikkita UEFA kubogi hamda Yevropa superkubogiga ega chiqqan edi. Alvesh «Yuventus» hamda «PSJ» klublarida ham bir muddat faoliyat yuritgan.
