«Севилья» клуби собиқ футболчиси Дани Алвешни яна сотиб олмоқчи. Бразилия нашри «UOL» хабарига асосан Испания гиганти Алвешни қайтариш бўйича ҳаракат бошлаган.
Ҳимоячи ҳозирда ўз ватанининг «Сан-Паулу» клуби шарафини ҳимоя қилмоқда. 38 ёшли футболчи 2002 йилда илк бор Европада тўп сура бошлаган ва айнан «Севилья»да порлаган эди.
У 2008 йилда «Барселона»га қўшилгунига қадар Андалузия жамоаси таркибида Испания суперкубогини, мамлакат кубогини, иккита УЭФА кубоги ҳамда Европа суперкубогига эга чиққан эди. Алвеш «Ювентус» ҳамда «ПСЖ» клубларида ҳам бир муддат фаолият юритган.
