«Арсенал»нинг собиқ бош мураббийи, ҳозирда эса ФИФАнинг футболни глобал ривожлантириш бўлими раҳбари Арсен Венгер Жаҳон чемпионати-2026 фаворитлари ҳақидаги фикрлари билан ўртоқлашди.
«Франция Жаҳон чемпионатида ғолиб чиқади. Мен биламан, сиз: Албатта, ўзинг француз бўлганинг учун шундай деяпсан, дейсиз. Аммо ушбу Жаҳон чемпионатини таҳлил қиладиган бўлсак, поезд маълум бир тезликда кетмоқда ва сиз унга сакраб чиқишга қодир бўлишингиз керак. Масалан, Осиё жамоалари ўйинларнинг шиддати ва суръатига дош бера олмагани учун мусобақани тарк этишди. Уларга рақобатлашиш учун техник маҳорат етишмади.
Мен учун асосий савол — бу Испания. Агар ҳозирда кимдир Францияни мағлуб эта оладиган бўлса, мен Испанияни айтган бўлардим, чунки уларнинг техник даражаси Францияникидан юқори», — дея Венгернинг сўзларини келтиради Mirror нашри.
